Guide: Roles and Expectations in the Unaccompanied Refugee Minor (URM) Program - Somali

XAASHIDA XAQIIQADA Hage: Doorarka iyo Waxa Laga Filayo Barnaamijka Carruurta Yaryar ee Qaxootiga ee Aan Lala Socon (URM)

FACT SHEET

Sidee ayuu barnaamijka URM kuu caawin doonaa?

Barnaamijka URM waxa uu siiyaa daryeel iyo ilaalin qaxootiga iyo dhallinyarada kale ee uqalma, kuwaas oo jooga gudaha Maraykanka waalid la'aan, mas'uul sharci ama qaraabo la’aan si ay u daryeelaan, oo aan ku laaban karin dalkooda hooyo.

Barnaamijka URM waxa uu ku siin doonaa qabanqaabo daryeel—guryo korin, guri kooxeed, nolol madax banaan oo la kormeero, ama wuxuu kaa caawin doona inaad la midowdo qaraabo ku sugan gudaha Maraykanka. Waxa kale oo uu ku siin doonaa adeegyo kale oo kaa caawin doona inaad daboosho baahiyahaaga oo aad horumarto, waxa ka mid ah fayoobaanta caafimaadka, ilkaha, dareenka iyo adeegyada caafimaadka maskaxda; waxbarasho; fasallo ku saabsan in si madaxbannaan loogu noolaado dhaqan cusub; iyo jihayn dhaqameed si ay kaaga caawiso inaad la qabsato deegaankaaga cusub oo aad ka mid noqoto bulshadaada cusub iyadoo la qaddarinayo hidahaaga qowmiyadeed, dhaqan, iyo diineed.

Waa maxay doorarka iyo waxa laga filayo barnaamijka URM?

Barnaamijka URM wuxuu leeyahay filashooyin iyo xeerar loogu talogalay adiga iyo kuwa kale ee ku lugta leh daryeelkaaga si ay kaaga caawiyaan inaad nabad iyo caafimaad qab ahaato, aad ku hesho xaalad socdaal oo sharci ah gudaha Maraykanka, oo aad barato sida loo noolaado si madaxbannaan. Barnaamijka waxaa maalgeliya Xafiiska Dib-u-dejinta Qaxootiga (ORR), laakiin sharciyada ee barnaamijka saxda ah way kala duwan yihiin gobol ahaan.

Adiga

Baro oo raac waxa laga filayo ee barnaamijkaaga, dugsigaaga, iyo shuruudaha shaqada (haddii aad shaqaynayso).
La kulan oo la xidhiidh si joogto ah maareeyaha kiiskaaga ee laguu xilsaaray.
U isticmaal xiriir ixtiraam leh, furfuran qof kasta oo ku jira barnaamijka URM:
- Muuji baahiyahaaga iyo waxaad rabto
- Kaqaybqaado dejinta yoolal iyo qorsheynta mustaqbalkaaga
- Raac xeerarka guriga ee kooxdaada guriga—la wadaag macluumaad daacad ah oo ku saabsan meesha aad u socoto iyo waxaad samaynayso
Kaqaybgal ballamahaaga ama jooji adigoo bixinaya ogeysiis ku filan.
Horumar ka samee nolol madaxbannaan.
HA ka qaybgalin dhaqdhaqaaqyo sharci darro ah oo aan ammaan ahayn.

Daryeel-bixiyayaal

Daryeel-bixiyayaasha waxaa ku jiri kara waalid korin, mas'uul sharci ah, ama shaqaale guri kooxeed.
Aasaasidda xeerar cad iyo filashooyin.
Ku siiyaan baahiyaha aasaasiga ah ee maalinlaha ah, sida cuntada, dharka, agabka nadaafadda, iyo meel ammaan ah oo lagu seexdo.
Kugu soo dhaweeyaan deegaan qoys oo taageero leh ama qaab-dhismeedka guri koox yar.
Fududeeyaan waxbarashadaada oo kugu kormeeraan horumarka dugsiga; iyo kaa caawiyaan inaad u diyaargarowdo noolaansho madaxbanaan.
Daryeel bixiyayaasha waa in ay la xiriiraan maareeyaha kiiskaaga ee laguu xilsaaray.

Maareeyayaal Kiiska

Inay kuula kulmaan oo kuula xidhiidhaan si joogto ah.
Hubinta in baahiyahaaga aasaasiga ah la buuxiyay. Maareeyayaasha kiiska ayaa isku dubaridi doona oo la socon doona gurigaaga, waxbarashadaada, caafimaadkaaga iyo cuntada kugu habboon, dharka, daryeelka caafimaadka, ilaalinta da'da ku habboon, gaadiidka ballamaha, marin u helka waxqabadyada madadaalada, xidhiidhka dhaqameed iyo ilaalinta dhaxalka qowmiyadeed, adeegyada diinta, iyo daryeelka caafimaadka maskaxda.
- La shaqaynta daryeelayaashaada si ay u sameeyaan qorshe adeeg oo gaar ah oo ka shaqaynaya sidii aad u gaadhi lahayd isku-filnaasho.
Sahaminta fursadaha dib ula midowga qoyska.
U doodida adeegyada waxbarashada, dhaqanka, caafimaadka, iyo socdaalka/sharciga.

Qareennada

La macaamilka qareenku waxay ku xirnaan doontaa baahiyahaaga gaarka ah, kiiska socdaalka, iyo shuruudaha maxkamadda ee gobolka aad ku sugan tahay. Gobollada qaar ayaa yeelan kara wakiilo dheeraad ah, sida Udoodaha Gaarka ah ee Maxkamaddu Magacawday (CASA) ama Qareen-ilaaliyaha Ad Litem (LGAL) ee taageeraya kiiskaaga.

Qareennada socdaalka ayaa kaa caawin kara inaad hesho xaaladda socdaalka ee sharciga ah, ka jawaabidda su'aalaha ku saabsan socdaalka ama safarka ka bixidda dalka iyo la tashiga ku saabsan wixii ah faragelinta sharci fulinta.

Qareennada ku tiirsanaanta ayaa kugu matali kara maxkamadda ku tiirsanayaasha (maxkamadda dhallinyarada) oo ka caawin kara fahamka xeerarka maxkamadda ku tiirsanayaasha. (Kormeeridda maxkamadda ku tiirsanayaasha way ku kala duwan yihiin gobol ilaa gobol.)

Af-celiyayaal & Tarjummaano

U tarjumidda iyo ka soo tarjumidda luqadda aad door bidayso ee aad ku hadasho wakhtiga ballamaha sida loogu baahdo shaqsi ahaan, maqal iyo muuqaal, ama telefoonka; iyo ka bixinta aragtiyo dhaqameed.
Turjumaadda barnaamijka iyo dukumentiyada kale hadba sida loogu baahdo.
U ilaalinta sirtaada si adag iyagoo xogtaada ilaalinaya.