ካብ ኣለይቲ እንጽበዮ

• ኣለይቲ መዕበይቲ ወለዲ (ፎስተር ፓረንትስ)፣ ሕጋውያን ሞግዚታት (ሊጋል ጋርድያንስ) ወይ ሰራሕተኛታት ናይ ጉጅለ ገዛ (ግሩፕ ሆም) ከጠቓልሉ ይኽእሉ።
• ንጹር መምርሒታትን ትጽቢታትን የቐምጡ።
• ከም መግቢ፣ ክዳውንቲ፣ ናውቲ ጽሬትን፣ ውሑስ መደቀሲ ቦታን ዝኣመሰሉ መሰረታዊ መዓልታዊ ድሌታት ይቕርቡ።.
• ናብ ደጋፊ ስድራቤታዊ ሃዋህው ወይ ንእሽቶ ጉጅለ ገዛ (ስሞል ግሩፕ ሆም) ቅርጺ እንቋዕ ደሓን መጻእኩም ይብሉ።
• Welcome you into a supportive family environment or small group home structure.
• ትምህርትኻ የመቻችዉ፣ ኣብ ቤት ትምህርቲ እትገብሮ ምዕባለ ይከታተሉ፣ ከምኡ’ውን ነብስኻ ክኢልካ ክትነብር ክትዳሎ ይሕግዙ።
• ኣለይቲ ምስቲ ዝተመደበልካ ኣካያዲ ጉዳይ (ኬዝ ማናጀር) ክረዳድኡ ይግባእ።

ኣካየድቲ ጉዳይ (ኬዝ ማናጀርስ)

• ምሳኻ ብቐጻሊ ይራኸቡን ይዛተዩን።
• መሰረታዊ ድሌታትካ ምምሉኡ የረጋግጹ። ኣካየድቲ ጉዳያት ንኣባይትኩም፣ ትምህርትኹም፣ ጥዑይን ግቡእን መግቢኹም፣ ክዳውንትኹም፣ ክንክን ጥዕናኹም፣ ንዕድመ ዝምጥን ክትትልኹም፣ ናብ ቆጸራታት ዝግበር መጓዓዝያ፣ መዘናግዒ ንጥፈታት ምርካብኩም፣ ባህላዊ ምትእስሳርን ምዕቃብ ብሄራዊ ቅርስታትኩምን፣ ሃይማኖታዊ ኣገልግሎታትኩም፣ ከምኡ’ውን ክንክን ጥዕና ኣእምሮኹም ከወሃህዱን ክከታተሉን እዮም።
  • ምስ ኣለይትኻ ብምትሕብባር ውልቃዊ ውጥን ኣገልግሎት የዳልዉ፣ ናብ ነብስኻ ክኢልካ እትነብረሉ ኩነታት ንምብጻሕ ይሰርሑ። 
• ዕድላት ምጥርናፍ ስድራቤት ይድህስሱ።
• ንትምህርታዊ፣ ባህላዊ፣ ሕክምናዊ፣ ከምኡ’ውን ኢሚግሬሽን/ሕጋዊ ኣገልግሎታት ይሟገቱ።

ጠበቓታት

ምስ ጠበቓ ዝግበር ርክብ ኣብ ፍሉይ ድሌታትካ፣ ናይ ኢሚግሬሽን ጉዳይካ፣ ከምኡ’ውን ኣብቲ ዘለኻዮ ስቴት ዝጠልቦ ናይ ቤት ፍርዲ ጠለባት ይምርኮስ። ገለ ስቴታት (ግዝኣታት) ተወሳኺ ወከልቲ ክህልወን ይኽእል እዩ፣ ንጉዳይካ ዝሕግዙ ከም ብቤት ፍርዲ ዝተመዘዘ ፍሉይ ተሟጋታይ (ካሳ) ወይ ጠበቓ ዝኾነ-ድልየታትካ ክትረክብ ዝጣበቐልካ (ጋርድያን ኣድ-ላይተም) (ኤልጂኤኤል)።

• ጠበቓታት ኢሚግሬሽን ሕጋዊ ናይ ኢሚግሬሽን ፍቓድ ንምርካብ ክሕግዙኻ ይኽእሉ፣ ብዛዕባ ኢሚግሬሽን ወይ ካብ ሃገር ወጻኢ ዝግበር ጉዕዞ ንዝቐርቡ ሕቶታት ኣብ ምምላስ ክሕግዙኻ ይኽእሉ፣ ወይ ምስ ዝኾኑ ኣኽበርቲ ሕጊ ኣብ ዝግበር ርክብ ክመኽሩኻ ይኽእሉ።

• ጠበቓታት ጽግዕተኛነት (ዲፐንደንሲ ለውየርስ) ኣብ ቤት ፍርዲ ጽግዕተኛነት (ዲፐንደንሲ ኮርት (ናይ ትሕቲ ዕድመ ኮይኖም ዝበደሉ ጉዳይ ዝርኢ ቤት ፍርዲ (ጁቨናይል ኮርት)) ክውክሉኻን መምርሒታት ቤት ፍርዲ ጽግዕተኛነት ንምርዳእ ክሕግዙኻን ይኽእሉ። (ናይ ጽግዕተኛነት ቤት ፍርዲ ክትትል ካብ ስቴት ናብ ስቴት ዝተፈላለየ እዩ።)

ናይ ቃልን ጽሑፍን ኣተርጎምቲ 

• ኣብ ቆጸራታት ከም ኣድላይነቱ ብኣካል፣ ቢንተርኔት (ቨርቹዋል) ወይ ብተሌፎን ካብን ናብን እቲ ዝመረጽካዮ ቋንቋ ይትርጉሙ፤ ከምኡ’ውን ባህላዊ ርድኢት ይህቡ።
• ከም ኣድላይነቱ ፕሮግራምን ካልኦት ሰነዳትን የተርጉሙ።
• ሓበሬታኻ ብምስጢር ብምሓዝ ጽኑዕ ምስጢራውነት ይኽተሉ።